କେନ୍ଦ୍ରାପଡ଼ା,୮ା୩: କେନ୍ଦ୍ରାପଡା ଜିଲ୍ଲା ଆଇନସେବା ପ୍ରାଧିକରଣ ଆନୁକୁଲ୍ୟରେ ଚଳିତ ବର୍ଷର ପ୍ରଥମ ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ତତ୍ସହିତ ତାଲୁକ୍ ସ୍ତରୀୟ ପଟ୍ଟାମୁଣ୍ଡାଇ, ଆଳି, ରାଜନଗର କୋର୍ଟ ପରିସରରେ ମଧ୍ୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ଏହି ଲୋକ ଅଦାଲରେ ୧୮୧ଟି ଏନ୍.ଆର୍. ମାମଲା୍ ପଞ୍ଜିକୃତ ହୋଇଥିଲା । ସେଥିମଧ୍ୟରୁ ୩୪ଟି ମାମଲା ସମାଧାନ ହୋଇ ୧,୭୯,୧୯୫ ଟଙ୍କା ଜୋରିମାନା ଆଦାୟ ହୋଇଥିଲା । ଟଙ୍କା ନେଣଦେଣ କେସ୍ ବାବଦରେ ୧୧୬ଟି ମାମଲା ପଞ୍ଜିକୃତ ହୋଇ ୩୮ଟି ମାମଲାର ଫଇସଲା ହୋଇ ୩୯,୬୭,୫୨୯.୨୪ ଟଙ୍କା ଜୋରିମାନା ଆଦାୟ ହୋଇଥିଲା । ମଟରଯାନ ଦୁର୍ଘଟଣା ଜନିତ ମାମଲା ବାବଦରେ ୫୫ଟି ମାମଲା ପଞ୍ଜିକୃତ ହୋଇ ୧୪ଟିର ସମାଧାନ କରାଯାଇ ୩୬, ୬୦, ୦୦୦ଟଙ୍କା ଜୋରିମାନା ଆଦାୟ ହୋଇଥିଲା । ରାଜସ୍ୱ ମାମଲା ବାବଦରେ ୨୬୪୪ ଟି ପଞ୍ଜିକୃତ କରାଯାଇ ୨୩୧୫ ଟି ମାମଲା ଫଇସଲା ସହିତ ୩, ୭୧, ୦୫୪ ଟଙ୍କା ଜୋରିମାନା ଆଦାୟ ହୋଇଥିଲା । ତତ୍ସହିତ ବ୍ୟାଙ୍କ ଋଣ ବାବଦରେ ୫୨୭୩ଟି ମାମଲା ପଞ୍ଜିକୃତ ହୋଇ ୭୨୪ଟି ମାମଲା ଫଇସଲା କରାଯାଇ ୨, ୭୬, ୫୩୯ ଟଙ୍କା ଜୋରିମାନା ଆଦାୟ କରା୍ାଇଥିଲା । ସମୁଦାୟ ୪୨୨୪ଟି ମାମଲା ପଞ୍ଜିକୃତ ହୋଇ ୨୭୨୬ଟି ମାମଲାର ସମାଧାନ କରାଯାଇଥିଲା ଓ ୮୧, ୭୭, ୭୭୮.୨୪ ଟଙ୍କା ଜୋରିମାନା ଆଦାୟ କରାଯାଇଥିଲା । ଜିଲ୍ଲା ଆଇନ ସେବା ପ୍ରାଧିକରଣ ଅଧ୍ୟକ୍ଷ ବିଷ୍ଣୁଦେବ ଜେନାଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି ଲୋକ ଅଦାଲତକୁ ପ୍ରାଧିକରଣ ସଚିବ ସୁମିତ୍ରା ସାହୁ ପରିଚାଳନା କରିଥିଲେ ।
Discover more from
Subscribe to get the latest posts sent to your email.
