ସିଦ୍ଧ ବାଲାବାବାଙ୍କ ଜନ୍ମ ଉତ୍ସବ ପାଳିତ

କେନ୍ଦ୍ରାପଡା୨୬ା୯ – କେନ୍ଦ୍ରାପଡା ସହର ଗଣାମାହାଲ ସ୍ଥିତ ଗୋପିନାଥଜିଉ, ବିନୋଦବିହାରୀଜିଉ ଓ ବାଲାବାବା ଟ୍ରଷ୍ଟ ପରିଚାଳନା କମିଟି ପକ୍ଷରୁ ଭାଗବତ ଜନ୍ମ ଉତ୍ସବ ପାଳନ କରାଯାଇଛି । ଏହି ଉପଲକ୍ଷେ କେନ୍ଦ୍ରାପଡାର ସିଦ୍ଧ ବାଲାବାବା ମହାପୁରୁଷଙ୍କ ବାର୍ଷିକ ଉତ୍ସବ ମଧ୍ୟ ପାଳନ କରାଯାଇଥିଲା । ଏହି ଅବସରରେ ଶୁକ୍ରବାର ଦିନ ଶ୍ରୀ ବଳଦେବଜୀଉଙ୍କ ମନ୍ଦିରରୁ ନଗର କୀର୍ତ୍ତନ ଶୋଭାଯାତ୍ରା ସହ ଆଜ୍ଞାମାଳ ଆସି ମହାପୁରୁଷ ବାଲାବାବାଙ୍କୁ ଅର୍ପଣ କରାଯାଇଥିଲା । ପରେ ଏକ ବିରାଟ ଶୋଭାଯାତ୍ରାରେ ନୂଆ ବସଷ୍ଟାଣ୍ଡ, ପଖରୁ ସହର ପରିକ୍ରମାକରି ସାନ୍ତାସାହି ଦେଇ ବାଲାବାବା ମନ୍ଦିରକୁ ଫେରିଥିଲେ । ଶନିବାର ପ୍ରାତ ୫ଟାରୁ ବାଲାବାବାଙ୍କର ପହଡ ଖୋଲାଯାଇ ମଙ୍ଗଳ ଆଳତି, ମହାସ୍ନାନ ଓ ସିଦ୍ଧ ବାଲାବାବାଙ୍କର ସନ୍ନ୍ୟାସୀ ବେଶ ଅନୁଷ୍ଠିତ ହୋଇଥିଲା । ପରେ ବିଶେଷ ପୂଜନ, ଭାଗବତ ପାଠ ଓ ବାବାଙ୍କର ଷୋଡଶ ଉପଚାର ପୂଜା ଅନୁଷ୍ଠିତ ହୋଇଥିଲା । ଗତ ରବିବାର ଠାରୁ ଭାଗବତ କଥାମୃତ କରାଯାଇଥିଲା । ଏହି ଜନ୍ମ ଉତ୍ସବରେ ସ୍ଥାନୀୟ ଅଞ୍ଚଳରୁ ବହୁ ବିଶିଷ୍ଟ ବ୍ୟକ୍ତିମାନେ ଯୋଗ ଦେଇଥିବା ବେଳେ ସହର ଓ ଆଖପାଖ ଅଞ୍ଚଳରୁ ବହୁଶ୍ରଦ୍ଧାଳୁ ଯୋଗଦେଇ ବାବାଙ୍କ ଆର୍ଶୀବାଦ ଭିକ୍ଷା କରିଥିଲେ । ଏହି କାର୍ଯ୍ୟକ୍ରମକୁ ପରିଚାଳନା କମିଟିର ସମସ୍ତ ସଦସ୍ୟ ସହଯୋଗ କରିଥିଲେ ।