ପଟ୍ଟାମୁଣ୍ଡାଇ ୨୮/୨ – ପଟ୍ଟାମୁଣ୍ଡାଇ ବ୍ଲକ ନରସିଂହପୁର ପଂଚାୟତବାସୀଙ୍କୁ ଉତମ ପ୍ରାଣୀ ଚିକିତ୍ସା ସେବା ଯୋଗାଇ ଦେବା ପାଇଁ ୧୯୮୬ ମସିହାରେ ଅଠରବାଟିଆ ଠାରେ ଏକ ପ୍ରାଣୀ ଚିକିତ୍ସାଳୟ ପ୍ରତିଷ୍ଠା କରାଯାଇଥିଲା । ଏହି ପ୍ରାଣୀ ଚିକିତ୍ସାଳୟ ଉପରେ ନରସିଂହପୁର ପଂଚାୟତର ଅଠରବାଟିଆ, ପଛପଡା, ଅଇନପଡା, ଅଢାଖଣ୍ଡ, ମଠସାହି, ନରସିଂହପୁର, ଗଙ୍ଗାରାମପୁର ଡିହାପଡା ପଂଚାୟତର କୁପୁଣି, ଡିହାପଡା ଓ ଖଡିଅଂଟା ପଂଚାୟତର ଆମ୍ବେର, ନଅଢଳିଆ, ସିମୁଳିଆ ଆଦି ବିଭିନ୍ନ ଗ୍ରାମର ହଜାର ହଜାର ଲୋକ ତାଙ୍କର ଗୃହପାଳିତ ପ୍ରାଣୀ ଚିକିତ୍ସା ପାଇଁ ନିର୍ଭର କରନ୍ତି । ଇତି ମଧ୍ୟରେ ଦୀର୍ଘ ୩୯ ବର୍ଷ ବିତି ଯାଇଥିଲେ ମଧ୍ୟ ଅଠରବାଟିଆ ପ୍ରାଣୀ ଚିକିତ୍ସାଳୟ ଅସ୍ଥାୟୀ ଘରେ ଦୟନୀୟ ଭାବେ ଚାଲୁଛି । ସ୍ଥାୟୀ ଗୃହ ନଥିବାରୁ ଚିକିତ୍ସା ସେବା ବ୍ୟାହତ ହୋଇପଡୁଛି । ମାତ୍ର ପାଖ ପଂଚାୟତ ଖଡିଅଂଟାରେ ପ୍ରାଣୀ ଚିକିତ୍ସାଳୟ ଘର ହୋଇଛି । ହେଲେ ଗତ ୧୫ ବର୍ଷ ହେବ ପ୍ର।।ଣୀ ଚିକିତ୍ସକ ନିଯୁକ୍ତ ହୋଇନାହାଁନ୍ତି । ସେ ଘର ପଡିରହି ଜଣେ ବ୍ୟକ୍ତିଙ୍କ ଜବରଦଖଲକୁ ଚାଲିଯାଇଛିି । ପୂର୍ବ ସରକାର ଏକ ଅଜବନିତିରେ ଚାଲିଥିବା ନେଇ ସାଧାରଣରେ ଚର୍ଚ୍ଚା ହେଉଛି । ରାଜ୍ୟ ମୁଖ୍ୟମନ୍ତ୍ରୀ ଓ ପ୍ରାଣୀସମ୍ପଦ ମନ୍ତ୍ରୀ ତଥା କେନ୍ଦ୍ରାପଡ଼ା ଜିଲ୍ଲାପାଳ ତୁରନ୍ତ ଦୃଷ୍ଟି ଦେଇ ସ୍ଥାୟୀ ଗୃହ ନିର୍ମାଣ ଦିଗରେ ପଦକ୍ଷେପ ନେବାକୁ ନରସିଂହପୁର ସରପଂଚ ଦିପ୍ତିମୟୀ ପରିଡା ଓ ବିଜେପି ନେତା ସୁଶୀଲ ପରିଡା, ଗିରଜା ସାମଲ ପ୍ରମୁଖ ନିବେଦନ କରିଛନ୍ତି ।
Discover more from
Subscribe to get the latest posts sent to your email.
